EL SEFARDÍ

   El eskritor espanyol Unamuno definió la lingwa komo la "sangra de nuestro espíritu". Ke mejor manera de deskrivir el intime enlase de los Sefaradim kon sus lingwa, el Djudeo-Espanyol. Uno es sinonimo del otro. No puedes ser Sefaradi si tus parientes o tus abuelos no komunicaron en nuestra amada lingwa. No puedes ser Sefaradi si los antiguos refranes i konseja ke fueron pasado de generasyon a generasyon no te trayen muncho plazer. Mismo si pedrites el uso del Djudeo-Espanyol tienes dainda en tu korason, en tu alma, el eskarinyo por este enlase ke te izo parte de la Nasyon Sefaradita.